सुंद’ सल’ आरो फावथाइनि रुजुनाय-Bodoinfos

 

सुंद’ सल’ आरो फावथाइनि रुजुनाय

सुंद’ सल आरो फावथाइ – बे मोननैनि सायाव रुजुनानै गाहायाव सावरायनो नाजानाय जाबाय-

1. सुंद सल’ आरो फावथाइ – बे मोननैबो आथिखाल थुनलाइनि बयजोंबो मोजां मोजां मोनजानाय बाहागो। सुंद सल फरायनानै मानसिया गोजोननायनि फुंखाखौ मोननो हायो। बिबदिनो थुनफावथाइखौ फरायनानै, नायनानै आरो खोनासंनानै गासोआव गोजोननाय लानो हायो।

2. सुंद’ सल’आव थुनलाइनि खायसे Elements फोर थायो। जेरै- plot, character, dialogue आरो writer’s, philosophy of life – बेबायदि elements फोरखौबो थुनफावथायाव मोननो हायो।

3. थुनफावथाइ आरो सुंद’ सल’ बे मोननै थुनलाइनि आयदायावबो सुंद’ जिउनि सावगारिखौ रोखायै फोरमायनाय जायो।

4. सुबुं जिउनि सावगारिखौ थुनफावथाइ आरो सुंद’ सल’आव art नि हेफाजाबै फोरमायनाय जायो।

      बेनि अनगायैबो थुनफावथाइ आरो सुंद’ सल’नि गेजेराव गोरोबनाय गोबां बिथिं दं। नाथाय सुंद’ सल’ आरो फावथाइनि गेजेराव गोरोबलायनाय दंब्लाबो खायसे गोरोबलायै बिथिंफोरबो दं। बे गोरोबलायै बिथिं एबा फारागखौ गाहायाव सुंदयै बिजिरनाय जाबाय-

      (1) सुंद’ सल’खौ लिरगिरिया सुबुं जिउनि मोनफा बाहागोखौल’ लानानै लिरनाय जायो। नाथाय थुनफावथायाव लिरगिरिया जिउनि सावगारिखौ जागायजेननायनिफ्राय जोबजासिम फोरमायनाय जायो।

      (2) सुंद’ सल’आव लिरगिरिया मोनसेल प्ल’टखौ थि समनि गेजेराव फोरमायनाय जायो। नाथाय थुनफावथायाव मोनसेनिख्रुइ बांसिन प्ल’ट आरो जाथायखौ फोरमानाय जायो।

      (3) सुंद’ सल’खौ फरायनानै लिरगिरिया सुबुंनो एबा फरायगिरिफोरनो फोरमायनो हायो। नाथाय थुनफावथाय लिरगिरिया फावथायखौ सुबुंनो फोरमायनानै फोरमायनो हायोब्लाबो फावथाया जाफुङा। फावथायखौ जाफुंहोनो थाखाय लिरगिरिनो मोनफा मोनफा आखुथाय नांगौ जायो।

      (4) सुंद’ सल’आव फरायनाय आरो खोनासंनाय बे मोननै गुनआ ज’ जानानै थायो। नाथाय गुबुन फारसेथिं थुनफावथायाव फरायनाय खोनासंनाय आरो नुनाय बे मोनथामबो गुनआ ज’ जानानै थायो।

       गोजौआव सावरायनायनिफ्राय रोखयै फोरमायनो हायोदि- फावथाय आरो सुंद’ सल’नि गेजेराव गोरोबलायनाय दंब्लाबो खायसे गोरोबलायै बिथिंबो दं। मानोना फावथायखौ जाफुंहोनो एबा दिन्थिनो थाखाय रंजासालि Stage नांगौ। नाथाय  सुंद’ सल’खौ जाफुंहोनो एबा फरायनो थाखाय stage नाङा। जायखि जाया जायगायावनो सुंद’ सल’खौ फरायनो हायो।