बर' सुंद’ सल’नि बाहागोफोर-parts of bodo short story (boro sungdo soloni bahagwfwr)~bodoinfos

 bodoinfos.blogspot.com

सुंद’ सल’नि बाहागोफोर:

सुंद’ सल’खौ गाहायै मोननै बाहागोआव राननो हायो। मोनसेया जाबाय- गावनि जाथायखौ गाव जानानै लिरनाय। गुबुन मोनसेया जाबाय- गुबुननि जाथायखौ फोरमायनानै लिरनाय।

            गावनि जाथायखौ गाव जानानै लिरनाय सुंद’ सल’आव लिरगिरिया गावनो गाव जानानै लिरो। थिक बिदिनो बुंफुरलु सुंद’ सल’आव गावनि बाथ्राखौ बुङालाबानो गुबुननि बाथ्राखौ फोरमायथिनानै होयो। बेवहाय सल’खौ थामथि सुबुंसायाव लिरनाय जायो।

            सुंद’ सल’नि मोनसे बाहागोआ जादों जाथाय। बेवहाय सुंद’ सल’नि जाथाया जोबोर गोथौ आरो गोरलै जानाया गाहाम। बे जाथा  मोनसेल जानाया गाहाम आरो जाथाया खौसेथियाव थानाया गोनां। बेनि अनगायैबो सुंद’ सल’खौ खायसे बाहागोआव राननो हागौ बेफोर जाबाय-

            1. मोजां मोनलायनायनि सुंद’ सल’- जाय सल’आव सुबुं मोजां मोनलायनाय जाथाया बेरखाङो बेखौनो मोजां मोनलायनायनि सुंद’ सल’ बुनाय जायो।

            2. समाजारि सुंद’ सल’- बे सल’आव मोनसे सनाजनि जेंना-जेंसिफोरा बेरखांनायखौ नुनो माननाय जायो।

            3. मिथिंगायारि सुंद’ सल’- जाय सल’आव मिथिंगानि बुब्लियाव सुबुं जिउनि सावगारिखौ बेरखां हानाय जायो बेखौनो मिथिंगायारि सुंद’ सल’ बुंनाय जायो।

            4. मिनिथाव सुंद’ सल’- जाय सुंद’ सल’आव जाथाय आरो आखुखौ बांद्राय नोजोर होआजासे मिनिनायावल जाथायखौ गोसो होनाय जायो बेखौनो मिनिथाव सुंद’ सल’ बुनाय जायो।

            5. नखरनि सुंद’ सल’- जाय सुंद’ सल’आव नखरनि रायजो जानाय सावगारिया बेरखाङो बेखौनो नखरनि सुंद’ सल’ बुनाय  जायो।

            6. सान्थौ सुंद’ सल’- जाय सुंद’ सल’नि गेजेरजों सुबुंनि आखुथायाव थाखोमानाय गोसोनि साननायफोरा बेरखाङो बेखौनो सान्थौ सुंद’ सल’ बुनाय जायो।

            7. दिटेकतिभ सुंद’ सल’- जाय सुंद’ सल’आव सोरनिबा दाय गोनां हाबानि गेजेरजों पुलिस सुलुंगिरिफोरनि मेलेमसालि बाहायनाय जायो बेखौनो दिटेकटिभ सुंद’ सल’ बुनाय जायो।

**** bodinfos.blogspot.com *********